David canticum dixit Dominus Domino meo sede a dextris
meis donec ponam inimicos tuos scabillum pedum tuorum
virgam fortitudinis tuae emittet Dominus ex Sion dominare
in medio inimicorum tuorum
populi tui spontanei erunt in die fortitudinis tuae in
montibus sanctis quasi de vulva orietur tibi ros adulescentiae
tuae
iuravit Dominus et non paenitebit eum tu es sacerdos in
aeternum secundum ordinem Melchisedech
Dominus ad dexteram tuam percussit in die furoris sui
reges
iudicabit in gentibus implebit valles percutiet caput in
terra multa
de torrente in via bibet propterea exaltabit caput
